منتدياتہ منوعاتہ كومہ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اهلا وسهلا بكـ , لديك: 0 مساهمة .
آخر زيارة لك كانت في : .
 
الرئيسيةقران كريمأحدث الصورالتسجيلدخول
   
 
 جديد» عجااّئب ذااّكره الطفل ,, عدنان ولينا سعودي I_icon_minitime الثلاثاء يوليو 10, 2012 11:38 am   من طرف ميشـــوو جديد» لمحاربة الإيميلات والارقام الكاذبة !! تفضل !!عدنان ولينا سعودي I_icon_minitime الثلاثاء يوليو 10, 2012 6:13 am   من طرف ميشـــوو جديد» طريقة عمل البيتزاعدنان ولينا سعودي I_icon_minitime الإثنين يوليو 09, 2012 10:42 am   من طرف ميشـــوو جديد» الشهيــــد البطـــل طـــارق الاســــود الله يرحمهعدنان ولينا سعودي I_icon_minitime الإثنين يوليو 09, 2012 9:24 am   من طرف سهمalqnas جديد» النمر في مصيدة الأمن السعودي عدنان ولينا سعودي I_icon_minitime الإثنين يوليو 09, 2012 9:09 am   من طرف لعابه بس جذابه جديد» ثُمَّ تَلِينُ جُلُودُهُمْ وَقُلُوبُهُمْ إِلَى ذِكْرِ اللَّهِعدنان ولينا سعودي I_icon_minitime الإثنين يوليو 09, 2012 8:54 am   من طرف ابوبقم جديد» ذكـــــرى من الزمــــن الجمــــيل!!عدنان ولينا سعودي I_icon_minitime الإثنين يوليو 09, 2012 8:52 am   من طرف هستور جديد» كلمات بسلم عليك عدنان ولينا سعودي I_icon_minitime الإثنين يوليو 09, 2012 8:48 am   من طرف هستور جديد» فـــي علم النــــفسعدنان ولينا سعودي I_icon_minitime الأحد يوليو 08, 2012 6:02 pm   من طرف ميشـــوو جديد» عبــــارات عن الجرح والخـيانهعدنان ولينا سعودي I_icon_minitime الأحد يوليو 08, 2012 4:39 pm   من طرف ميشـــوو
 
   


شاطر | 
   
 
 

 عدنان ولينا سعودي

استعرض الموضوع التالي استعرض الموضوع السابق اذهب الى الأسفل 
كاتب الموضوعمحتوى الموضوع

سهمalqnas

سهمalqnas

المدير العام




•مُشآركاتيّ : 495

الًجٍنسًـے : ذكر

السعوديه

«مزآجے» : حبتين




مُساهمةموضوع: عدنان ولينا سعودي   عدنان ولينا سعودي I_icon_minitimeالجمعة يناير 21, 2011 6:04 am


هذي قصة مرررة تضحك لاطشتها لعيونكم فتمتعوا بالضحك المستمر


إليكم القصة


(عدنان) : شفيك يالينا معصبه؟

(لينا) : مدري ياخوك احس اني بنخطف زي كل مره

(عدنان) : يهبووون سميرة وعلام وكل جنود القلعه

(لينا) : مانيب مرتاحه احس اني قبسه وشكلهم بيخطفوني

(عدنان) : اللي يقرب منك بتوطاه هنيا وادوووس على خشته

(لينا) : يابعد قلبي ياعدنان... انا اشهد انك ذيب

(عدنان) : كح كح تسلمين.. المهم وين عبسي

(لينا) : مدري يمكن يصيد ضفادع عشان الغداء

(عدنان) : وع الله يقرفه ذا الشين... المشكله انه خويي ولازم اتحمل بلاويه

(لينا) : يمه يمه .. اسمع صوووت طيارة سميرة يااااويلي!!

(عدنان) : لاتخافين وقفي وراااي واللي يقول عن نفسه رجال يقرب منك

سميره مع الجنود نزلو من الطياره
سميره تتكلم بالمايك من بعيد

(سميره) : سلم نفسك ياعدنان ولاترز وجهك

(عدنان) : اقول تلايطي بس ولايكثر وارجعي من محل ماجيتي

(سميره) : انزح وراك... وخلنا نخطف لينا براحتنا

(عدنان) : يخطفك جني يالساااااحره.. اللي يرشها بالميه ارشه بالدم

(سميره) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها

(سميره) : الله واكبر على المصاريف؟ كلها فستان واحد وطق لونه من كثر الغسيل

(عدنان) <<<< طاح وجهه

(لينا) : انتي عاوزه ايه؟ انا موش هينا انا خرجت بره

(سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه

(عدنان) : ماعاش اللي يقول حق لينا انطمي... شكلي بشوتك باند من الجزيره

صارت معركة قوية بين عدنان والجنودفي البداية عدنان صفقهم وبعد شوي طاح في الارض وتوطو بطنهالجنود خطفو لينا في الطياره وانطلقو الى القلعة

(عبسي) : عدنان لماذا انت نايم؟ شفيك

(عدنان) : اي.. اح.. ضلوعي متكسرة والركب تتصافق

(عبسي) : لماذا؟ ماذا حدث؟

(عدنان) : اقول انطم بس... سميرة والجنود كانو هنا وتمردغوني وخذو لينا للقلعه

(عبسي) : افا ياذا العلم؟ لماذا لم تناديني عشان اسوي فزعه؟

(عدنان) : وانا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ

(عبسي) : طيب ماذا سنفعل الحين؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها

(عبسي) : حسنا ياسيدي <<<< ماسكه معه الفصحى

بعد ساعتين مرت السفينه

(عبسي) : عدناااان وصلت السفينه هيااا بنا

(عدنان) : اسمع خلنا نتوزى في المخزن حق السفينة واذا وصلنا للقلعه ننطلق ورى لينا
وصلت السفينة الى القلعة

(عدنان) : انا بروح ادور لينا.. وانت وش بتسوي؟

(عبسي) : انا بفتح اللاب توب واشيك على ايملاتي لين ترجعون <<<< وش حقه جاي

(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا

(عبسي) : لاتخاف اذا حد شافني بقولهم انا برب في المنتدى

عدنان وصل الى غرفة لينا ويكلمها من ورى الشباك

عدنان) : حياتي ليونه وحشتيني <<<

(لينا) : هلا والله... ولكمووووووووو .. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك

(لينا) : تشتاق لكم العافية

(عدنان) : وانتي شلونك؟ وش علومك؟

(لينا) : يووووه انا طفشانه مررره وكل شوي يطقوني

(عدنان) : ولايهمك اوريهم... على فكره ترى عبسي جاء معي ويسلم عليك

(لينا) : وينه الشين شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه

(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها

* تم انقاذ لينا وانطلقو الى السفينه

(عدنان) : عبسي يالله سرينااااااا

(عبسي) :ولكموووووووو .. هلا وغلا

(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه

(عبسي) : المصيبة ان القبطان نامق نايم مع وجهه

(عدنان) : دق عليه جوااال وخله يصحى ماعاد فيه وقت

*اتصــــــال*

(نامق) : الووو.. مين معي؟

(عبسي) : نامق تكفى ترى تكفى تهز رجال

(نامق) : ابشر بعزك... امر وش بغيت؟

(عبسي) : قم شغل السفينه وخذنا معك نبغا نهرب من سميره

(نامق) :ياويل حظي لاتقول سميره ترى اخق من طاريها

(عبسي) : اقول بلا هذره اخلص علينا نبغا نفرك من هنا

(نامق) : اوكي تعال السفينة وماعليك انا بتصرف

ركبو السفينة ونامق نزل عشان يتكلم مع سميره

(سميره) : وينهم؟ وين خبيتهم اعترف؟

(نامق) : ياويل حالي.. عليك عيون ماهيب صاحيه

(سميره) : اقول تلايط بس.. وين لينا

(نامق) : سميره مستعد اعطيك لينا لكن عطيني قلبك تراني خقيت واللي كان كان

(سميره) : هاهاهاها ضحكتني... قلبي وش تبي فيه؟

(نامق) : اويلااااه على قلبك.. ابيك تكونين حبيبتي وتاخذين رقمي ونسولف تالي الليل مثل هالمراهقين

(سميره) : ياولد استح على وجهك ترى جوالي سوا <<<< يعني افهمها واشحن

(نامق) : كل بطاقات السوا تفداااااك بس خليني اسكن قلبك لو ليله وحده كح

(سميره) <<<< تناظر في جزمتها ينقالها مستحيه

(نامق) : وش فيك تناظرين جزمتك؟ ناويه تضربيني صح؟

(سميره) : لا شدعوه... بس كنت افكر في جوال الدمعه يقولون فيه بلوتوث وحركات

(نامق) : شركة نوكيا بكبرها ماتغلى عليك ياقلبي

(سميره) : يؤيؤ لهدرجه تحبني

عدنان طل براسه من السفينه

(عدنان) : ماخلصتو انتو ياخي رقمها وفكنا... نبي نمشي


(سميره) : تمشي في عينك.. انا بروح معكم لووول

(نامق) : تفضلي ياقلبي ادخلي برجلك اليمين

(لينا) : يمه يمه.. سميره بتروح معنا انا خايفه تضربني

(عدنان) : لا تخافين... نامق روضها خلاص

(عبسي) : كفوو نامق.. الحين نقدر نعيش مرتاحين ...

اتمنى انكم ما تبخلوا علي بالردود





الموضوع الاصلى : عدنان ولينا سعودي      المصدر : منوعات كوم     الكاتب : سهمalqnas




سهمalqnas ; توقيع العضو




الرجوع الى أعلى الصفحة اذهب الى الأسفل

اسير الصمت

اسير الصمت

المدير العام




•مُشآركاتيّ : 563

الًجٍنسًـے : ذكر

السعوديه

«مزآجے» : مشفر




مُساهمةموضوع: رد: عدنان ولينا سعودي   عدنان ولينا سعودي I_icon_minitimeالثلاثاء مارس 15, 2011 9:30 am

هههههههه :D :D


مشكوووووووور اخي سهم
عدنان ولينا سعودي 505203





الموضوع الاصلى : عدنان ولينا سعودي      المصدر : منوعات كوم     الكاتب : اسير الصمت




اسير الصمت ; توقيع العضو




الرجوع الى أعلى الصفحة اذهب الى الأسفل

قناص بلاك أوبس

قناص بلاك أوبس

عضو مشارك



•مُشآركاتيّ : 44

الًجٍنسًـے : ذكر

السعوديه

«مزآجے» : حزين


خدمات المنتدى
مشاركة الموضوع: :


مُساهمةموضوع: رد: عدنان ولينا سعودي   عدنان ولينا سعودي I_icon_minitimeالإثنين أبريل 04, 2011 11:19 am

هههههههههههه

صدق سعودي





الموضوع الاصلى : عدنان ولينا سعودي      المصدر : منوعات كوم     الكاتب : قناص بلاك أوبس




قناص بلاك أوبس ; توقيع العضو




الرجوع الى أعلى الصفحة اذهب الى الأسفل

ميشـــوو

ميشـــوو

المدير العام




•مُشآركاتيّ : 235

الًجٍنسًـے : ذكر

السعوديه

«مزآجے» : رايق


خدمات المنتدى
مشاركة الموضوع:


مُساهمةموضوع: رد: عدنان ولينا سعودي   عدنان ولينا سعودي I_icon_minitimeالسبت يونيو 30, 2012 11:41 pm

هههههههه مش ممكن
عدنان ولينا سعودي 3905335010





الموضوع الاصلى : عدنان ولينا سعودي      المصدر : منوعات كوم     الكاتب : ميشـــوو




ميشـــوو ; توقيع العضو




الرجوع الى أعلى الصفحة اذهب الى الأسفل
 

عدنان ولينا سعودي

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1
 
   

   
 



.:: مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ::.


صلاحيات هذا المنتدى:لاتستطيع الرد على المواضيع في هذا المنتدى
منتدياتہ منوعاتہ كومہ :: . :: ღ♥ღ "الابتسامه والمرح" ღ♥ღ-